Il-kowċ tat-Tim Nazzjonali Malti tal-Beach Soccer, Marco Casarsa, sejjaħ skwadra ta’ 12-il plejer għal-logħbiet li ġejjin fil-Euro Beach Soccer League.
It-tim mistenni jivvjaġġa lejn l-Italja għal tliet logħbiet fid-Diviżjoni B tal-kompetizzjoni li se jintlagħbu f’Castellammare di Stabia fuq medda ta’ tliet ijiem.
Malta l-ewwel se tilgħab kontra n-Norveġja fl-ewwel jum tal-logħba nhar il-Ġimgħa 25 ta’ Lulju fil-11:15. Dan se jkun segwit minn logħba oħra, din id-darba kontra r-Rumanija nhar is-Sibt 26 ta’ Lulju fis-12:30. L-aħħar logħba se tara lil Malta tilgħab kontra l-Każakistan nhar il-Ħadd 27 ta’ Lulju fil-11:15.
Il-logħbiet se jirrappreżentaw opportunità oħra għat-tim tal-kowċ Casarsa biex jimponi ruħu fix-xena internazzjonali bi tliet logħbiet ewlenin.
It-tim ta’ 12-il plejer magħżul mill-Coach Casarsa huwa dan li ġej:
Goalkeepers – Brandon Muscat, Lark Falzon
Outfield Players – Daryl Micallef, Jeremy Cassar, Marcelo Dias, Karl Caruana, Giuseppe Barone, Lee Joe Schembri, Nezar Fawzi Abuaisha, Matthew Agius, Ryan Dalli, Claudio Venuto