Kienet ċerimonja tal-gradwazzjoni speċjali għal Miguel Borg li x-xahar li għadda rnexxielu jiggradwa fl-Inġinerija.
Waqt lli kien qiegħed jattendi għal dan il-kors tant li kien deskritt fost l-aktar studenti dedikati, perseveranti u reżiljenti.
Waqt ċerimonja qasira, pero pjuttost kommoventi, ir-Rettur tal-Università, fost akkademiċi oħra marru personalment id-dar taż-żagħżugħ.
L-inġiniera Paul Refalo u l-Inġinier Emmanuel Francalanza, li ħadmu mill-qrib ma’ Borg qalu li hu għallimhom dak li huma ma setgħu jgħallmuh qatt.
Minkejja s-sitwazzjoni li sab ruħu fiha, Borg kien determinat li jaħdem fuq proġett ta’ inġinerija sostenibbli għat-teżi tal-aħħar sena tiegħu fil-kors. L-ambizzjoni tiegħu kienet iċ-ċavetta li wasslet għal din il-gradwazzjoni li seħħet fl-aħħar ġimgħat.
