Is-Segretarju Permanenti Ewlieni, Mario Cutajar, se jkun qed jirtira minn din il-kariga wara perjodu ta’ 46 sena. Huwa ħabbar dan waqt il-konferenza ġenerali għall-kapijiet tas-Servizz Pubbliku.
F’Settembru li għadda, is-Sur Cutajar kellu diskussjoni mal-Prim Ministru Robert Abela fejn esprima x-xewqa tiegħu li jirriżenja minn din il-kariga.
Huwa sostna li se jħalli din il-pożizzjoni b’sodisfazzjon għal dak rnexxielhom jiksbu biex isaħħu l-kwalità tas-Servizz Pubbliku.
