Il-Grupp Dizz ospita l-ftuħ grandjuż tal-aħħar boutique lussuż tagħhom, TheCorner.com, f’San Ġiljan, fit-18 ta’ Novembru.
Diane Izzo, Chairperson u Direttur Eżekuttiv tal-Grupp Dizz, u Vittorio Chalon, Kap Eżekuttiv ta’ TheCorner.com, qatgħu ż-żigarella biex immarkaw il-ftuħ tal-boutique ta’ 400 m2, mifruxa fuq tliet sulari, eżatt faċċata ta’ Portomaso.
TheCorner.com iġġib flimkien kunċett ta’ ħwienet fiżiċi – hemm netwerk ta’ ħwienet diġà miftuħa fi tliet pajjiżi madwar l-Ewropa – iżda wkoll xiri onlajn, li jġib moda tad-disinjaturi li hija kontinwament aġġornata u li dejjem tinbidel.
“Għalina, il-klijent huwa ċ-ċentru u s-servizzi tagħna jduru madwar l-iżgurar tas-sodisfazzjon aħħari tagħhom,” afferma s-Sur Chalon. F’din l-era diġitali, TheCorner.com qed tibni fuq ir-riċerka tas-suq tagħha li turi li filwaqt li l-klijenti jqattgħu mhux aktar minn tliet minuti f’ħanut onlajn, huma lesti li jiddedikaw mill-inqas nofs siegħa biex iduru madwar ħanut fiżiku.
“Il-klijenti jżuru l-ħwienet tagħna għax iridu jħossuhom tajbin dwarhom infushom, jiċċelebraw il-kisbiet tagħhom u jfittxu gratifikazzjoni minn dak li għandhom,” irrimarka s-Sur Chalon. “L-aqwa ħwienet fid-dinja mhumiex dawk li għandhom l-akbar għażla.
Vittorio Chalon ma’ Diane u Karl Izzo fil-ftuħ uffiċjali ta’ TheCorner.com
“Huma l-ħwienet li għandhom l-għażla t-tajba u huma l-ħwienet li l-konsumatur iżur għax jgħidu, ‘il-bejjiegħ jafni u jaf il-gosti tiegħi’.”
L-esperjenza meta tidħol tixtri f’TheCorner.com hija mmirata biex toffri li tieħu klijenti lil hinn miż-żona ta’ kumdità tagħhom. Ir-reazzjoni mixtieqa tagħhom hija ‘Ara naqra, ma nixtrix dan l-oġġett waħdi imma huwa cool u kulħadd qalli li huwa cool!’ “Irridu li l-klijenti tagħna jafdawna u jkollhom il-fiduċja li jistgħu jiksbu l-parir it-tajjeb meta jixtru fil-boutique,” qal is-Sur Chalon.
Is-Sinjura Izzo qalet: “Malajr stabbilixxejna relazzjoni eċċellenti ma’ TheCorner.com u naraw potenzjal kbir li nkunu parti minn netwerk li qed dejjem jikber b’firxa ta’ oġġetti tal-moda minn tikketti stabbiliti u dawk li jippromettu.
“Aħna diġà noffru għażla eċċitanti ta’ moda tal-irġiel, moda tan-nisa u aċċessorji fil-Boutique il-ġdid tagħna u jikkumplimentawhom b’dak kollu li jista’ jogħġobhom fil-ħanut onlajn. Din hija esperjenza ta’ xiri li tkun trid tipprova.”
