River Plate ħabbru li ħatru lil Martin Demichelis bħala l-kowċ ġdid tagħhom. Dan il-kowċ se jieħu post Marcelo Gallardo li temm il-kariga tiegħu f’Ottubru li għadda.
Demichelis għad għandu biss 41 sena u għalih dan se jkun ritorn mal-klabb ta’ żgħożitu hekk kif lagħab ma’ River Plate bejn l-1998 u l-2003.
Hu kien assistent kowċ ma’ Malaga filwaqt li mexxa lit-tim tar-riservi u dak ta’ taħt id-19-il sena ta’ Bayern Munich.
Fuq is-sit soċjali ta’ Twitter River Plate awguraw ħafna affarijiet sbieħ lil Demichelis.
