Il-kowċ ta’ Juventus Massimiliano Allegri talab lill-partitarji tat-tim sabiex jibqgħu wara l-plejers tiegħu f’dan il-mument xejn sabiħ li għaddejjin minnu.
I Bianconeri tilfu jumejn ilu kontra Lazio fi Stadio Olimpico hekk kif Adam Marusic ta r-rebħa lill-Biancocelesti proprju fit-93 minuta tal-logħba.
Juventus kisbu biss seba’ punti minn disa’ partiti u saħansitra tilfu t-tieni post tal-klassifika meħud issa minn AC Milan.
Allegri, li qed jiġi kkritikat mill-istess partitarji li qed iħeġġuh biex jirriżenja, qal li l-plejers tiegħu jriduhom mhux biss fil-bnazzi iżda wkoll fil-maltemp.
