Tuesday, November 17, 2026
Home Sport Matthew Azzopardi fis-seba’ post fil-finali tal-Logħob Olimpiku taż-Żgħażagħ fis-Senegal

Matthew Azzopardi fis-seba’ post fil-finali tal-Logħob Olimpiku taż-Żgħażagħ fis-Senegal

0
30

L-atleta Malti Matthew Azzopardi kiseb is-seba’ post fil-finali tal-Logħob Olimpiku taż-Żgħażagħ fis-Senegal, kisba li timmarka ritorn notevoli wara injury serja.

Il-parteċipazzjoni ta’ Azzopardi kienet f’dubju wara li, fil-5 ta’ Awwissu, sofra tiċrita ta’ 4.6 ċentimetri fil-muskolu tal-koxxa (hamstring). Dan poġġieh quddiem perjodu ta’ rkupru diffiċli qabel din il-kompetizzjoni internazzjonali prestiġjuża.

Minkejja dan l-ostaklu, l-atleta żagħżugħ u determinat ħadem bla heda matul il-fażi ta’ riabilitazzjoni biex jerġa’ jikseb il-kundizzjoni fiżika tiegħu u jirritorna għall-kompetizzjoni.

L-isforzi tiegħu ġew ippremjati b’post fil-finali Olimpika, fejn spiċċa fis-seba’ post – kisba eċċellenti wara xhur ta’ inċertezza.

Wara l-kompetizzjoni, Azzopardi esprima l-gratitudni tiegħu lejn il-ġenituri tiegħu, il-kowċ Kevin Galea, u l-ispeċjalisti tar-riabilitazzjoni Karl Rizzo Naudi u Ethan Lethridge, għall-appoġġ kontinwu tagħhom matul il-proċess tal-irkupru.

Huwa rringrazzja wkoll lill-Kumitat Olimpiku Malti għall-għajnuna tiegħu, kif ukoll lill-uffiċjali li akkumpanjaw lid-delegazzjoni Maltija.

Azzopardi rrifletta fuq l-importanza tal-ħidma f’tim wara kisbiet sportivi individwali, u enfasizza d-dedikazzjoni ta’ kull min kien involut fil-vjaġġ tiegħu.

Id-determinazzjoni u r-reżiljenza straordinarja tiegħu jservu ta’ ispirazzjoni għall-atleti żgħażagħ Maltin, u juru li l-perseveranza u appoġġ qawwi jistgħu jgħinu biex jingħelbu anke l-aktar sfidi iebsa.

LEAVE A REPLY

Please enter your comment!
Please enter your name here