Bayern Munich laħqu ftehim ma’ Juventus biex jiffirmaw lid-difensur internazzjonali Olandiż, Matthijs De Ligt.
Il-Bavarjani se jħallsu €80 miljun għall-akkwist tal-player ta’ 22 sena fejn mistenni jiffirma kuntratt ta’ ħames snin.
Fil-veritá, l-ex player ta’ Ajax qatt ma laħaq il-livell mixtieq mal-Bianconeri, li kien ingħaqad magħhom fl-2019, u għaldaqstant issa għandu l-opportunitá biex juri l-potenzjal tiegħu.