Bdiet uffiċjalment l-era tal-kowċ Mauricio Pochettino ma’ Chelsea. Dan l-eks kowċ ta’ Tottenham għandu biċċa xogħol ferm iebsa li jimmotiva grupp li xejn ma mar tajjeb matul dan l-istaġun.
Il-kowċ Sudamerikan tkellem mas-sid tal-Blues Todd Boehly fejn qed jiddiskuti miegħu d-disponibbilta’ finanzjarja tiegħu biex jixtri plejers ġodda.
Bħalissa Chelsea għandhom skwadra ta’ 39 plejer, li għal Pochettino huma ħafna. Hu jrid iżid il-kwalita’ u jnaqqas il-kwantita’.
Issa jibda x-xogħol veru tiegħu biex jerġa’ jagħmel lil Chelsea tim kompetittiv kif kien f’dawn l-aħħar snin.
