Il-plejer internazzjonali Arġentin Mauro Icardi ġie ppreżentat lill-partitarji ta’ Galatasaray bil-president Dursun Ozbek li faħħar id-deċiżjoni tiegħu li jibqa’ jilgħab fit-Turkija.
Fil-fatt, Icardi rrifjuta offerta straordinarja ta’ €40 miljun b’kuntratt ta’ sentejn mingħand Al Hilal li kienu qed jiġru wara l-firma tiegħu.
L-istess partitarji ta’ Galatasaray, li kienu f’dellirju ta’ ferħ għal Icardi li donnu sar l-idolu tagħhom, qalu li jixtiequ issa li l-klabb imur fuq id-difensur internazzjonali Spanjol Sergio Ramos li jixraq ħafna għall-istil ta’ logħob tagħhom.
