Il-Malta Beach Soccer Association se tniedi l-kampjonat femminili li fih se jieħdu sehem ħames timijiet li se jagħmlu minn kollox sabiex jirbħu t-titlu finali. Fil-fatt, Zero Sei Woman’s Futsal, Parr Mela Rockets, Lija Athletic Football Club, Swieqi United F.C u St. George’s se jkunu l-ħames timijiet li se jilagħbu kontra xulxin bil-logħbiet li se jsiru fil-Bajja s-Sabiħa f’Birżebbuġa.
Illejla jkun hemm l-ewwel programm ta’ logħob hekk kif fis-6.30pm Swieqi jaffaċċjaw lil Parr Mela filwaqt li Zero Sei jilagħbu kontra Lija.
