Fost dawn hemm li ċ-ċertifikat tat-tilqim mhux se jibqa’ neċessarju biex wieħed jidħol f’bars, gyms, pools, spas, swali taċ-ċinema u teatru.
Dan filwaqt li persuni li jkollhom ċertifikat tat-tilqim validu u jkunu ġejjin minn pajjiż dark-red, il-perjodu tal-kwarantina tagħhom se jonqos minn 14-il jum għal għaxart ijiem.
F’konferenza tal-aħbarijiet fl-aħħar ġimgħat id-Deputat Prim Ministru u Ministru tas-Saħħa ħabbar li l-awtoritajiet tas-saħħa għandhom pjan studjat ta’ kif qegħdin jiġu rilaxxati dawn il-miżuri.
Fearne appella għall-kawtela filwaqt li kien ċar li jekk is-sitwazzjoni tibqa’ taħt kontroll, pajjiżna se jkun qiegħed jara aktar tnaqqis biex ikunu nistgħu nirritornaw kemm jista’ jkun lejn in-normalità.
