Mil-lum 6 ta’ Frar, l-ispiżeriji li jkun imisshom jiftħu fil-Ħdud u fil-festi pubbliċi se jiftħu wkoll waranofsinhar fil-ħin ta’ bejn l-4.00 p.m. u s-7.00 p.m.
Id-Deputat Prim Ministru u Ministru tas-Saħħa Chris Fearne qal li dan ifisser li l-pazjenti se jkunu qed jinqdew aħjar anke fi tmiem il-ġimgħa.
Qal ukoll li din il-bidla tista’ twassal li persuna tkun tista’ tibda mediċina aktar kmieni f’każ ta’ preskrizzjoni fi tmiem il-ġimgħa.
