Waqt li tkun qed tintlagħab il-fażi finali tat-Tazza tad-Dinja, fil-ġimgħat li ġejjin, Milan se jmorru Dubai għal training camp u qed jippjanaw li jilagħbu partita ta’ ħbiberija kontra Liverpool.
Matul it-Tazza tad-Dinja, il-kampjonat Taljan se jieħu waqfa ta’ sitt ġimgħat minħabba li bosta players se jipparteċipaw f’din l-aqwa manifestazzjoni kalċistika mat-timijiet nazzjonali tagħhom. Din il-pawsa se tkun mill-14 ta’ Novembru sal-4 ta’ Jannar.
Bosta huma dawk it-timijiet Taljani li se jmorru għal training camps madwar l-Ewropa fejn se jkunu wkoll involuti f’għadd ta’ partita ta’ ħbiberia.
Il-konfront bejn Milan u Liverpool jista’ jintlagħab minħabba li l-Ingliżi se jinzertaw li jkunu f’dan il-pajjiż waqt dan il-perjodu.