Fis-seduta tiegħu tal-bieraħ, il-Bord tal-Protesti tal-Malta Football Association laqa’ l-protest ippreżentat minn Valletta FC b’rabta mal-partita kontra Sliema Wanderers, li ntlagħbet fl-20 ta’ Novembru, 2021 fl-Istadium Nazzjonali li kienet ntemmet bl-iskor ta’ 2. -1 favur Sliema Wanderers.
Il-protest kien ibbażat fuq il-fatt li Warsama Hassan (Sliema Wanderers) tqies li lagħab waqt li kien taħt l-obbligu li jiżola ruħu bil-liġi wara li deher fil-partita ta’ kwalifikazzjoni għat-Tazza tad-Dinja bejn pajjiżu Djibouti u l-Alġerija, li seħħet fl-Eġittu, bil-pajjiż bħalissa jinsab fil-lista l-ħamra.
Valletta se jingħataw it-tliet punti għall-partita inkwistjoni.
