“Iddeċidejna li fil-jum tat-tieġ tagħna, minflok ma nqassmu suvenirs lill-mistednin, nixtru ikel tal-qtates u nagħtuh bħala donazzjoni lil Claws – Cat Lovers adoptions, Welfare & Support”. Ħabbru dan ftit tal-ħin ilu Paul u Dorian li jinsabu xahar biss ‘il bogħod mill-ġurnata tat-tieġ tagħhom.
Claws – Cat Lovers adoptions, Welfare & Support huwa l-istess santwarju minn fejn il-koppja adottat waħda mill-qtates tagħhom.
Apparti dan il-ġest sabiħ li se jagħmlu, huma appellaw ukoll sabiex iktar persuni jkomplu jgħinu santwarji bħal dawn.
