Hekk kif illum bosta familji jkunu b’xi mod jew ieħor iqattgħu ftit ħin ta’ mistrieħ flimkien, huwa importanti li f’mumenti bħal dawn niftakru f’dawn il-ħaddiema li minkejja li llum festa, xorta waħda jaħdmu qatigħ biex jipprovdu servizz essenzjali lill-Maltin u l-Għawdxin.
Dawn il-ħaddiema jinkludu lit-tobba, infermiera, ħaddiema tas-CPD, Pulizija, fost ħaddiema essenzjali oħra li jaħdmu għal ħaddieħor.
Ma’ dawn ma jonqosx ukoll li niftakru fl-Inġiniera, tekniċi u ħaddiema f’sezzjonijiet essenzjali tal-Enemalta li llum, bħal kull jum tas-sena, ipprovdew is-servizz tal-provvista tal-elettriku lil familji u n-negozji.
Ġie nnutat kif mingħajrhom la t-tisjir, la l-mixgħela tal-Milied u lanqas kull ħidma oħra li tiddependi mill-elettriku ma kienet tkun possibbli.
