Infrastructure Malta tkompli għaddejja b’bosta xogħlijiet fit-toroq tagħna. Bejn għada 12 ta’ Settembru u t-Tlieta 20 ta’ Settembru, Triq Tal-Labour, bejn il-Birgu u Ħaż-Żabbar minn ħdejn ir-roundabout fi Triq il-Kunsill tal-Ewropa (l-inħawi ta’ Bieb is-Sultan) sal-kantuniera ma’ Triq is-Santwarju, ser tkun magħluqa biex inkomplu bil-bini mill-ġdid tat-triq.
Dan ix-xogħol se jkun qed isir mit-8:00 a.m. sat-8:00 p.m.
Għaldaqstant, dawk l-individwi li kien beħsiebhom jagħmlu użu minn din it-triq huma mħeġġa biex jużaw rotot alternattivi minn toroq oħrajn viċin.
