Monday, January 24, 2022

Missier Irlandiż jgħid li ma jistax jinsa l-aħħar kliem ta’ ibnu qabel ma martu qatlet lil uliedhom

Aqra wkoll

Sentejn minn mument traġiku li biddillu ħajtu, missier iddisprat jgħid li għadu ma jistax jinsa l-mument meta martu qatlet lit-tliet uliedhom u li għadu jiftakar proprju fl-aħħar kliem li nissel ibnu.

Andrew McGinley wiegħed li qatt mhu se jħalli lill-mara Deirdre Morley lura d-dar tiegħu meta toħroġ mill-isptar li jinsab ġewwa l-Irlanda.

Dan wara li l-infermiera ta’ 44 sena qatlet lil uliedhom Conor ta’ disa’ snin, Darragh ta’ seba’ snin u Carla li kellha biss tliet snin billi fgathom lura f’Jannar tal-2020.

Fil-qorti instema kif hekk kif Morley poġġiet borża fuq ras iċ-ċkejken Conor, huwa talabha u qal: “Ieqaf mamà, x’qed tagħmel?”

Il-missier jemmen li m’hemm “l-ebda futur” għalih u għal martu u qal kif l-aħħar kliem ta’ Conor għadhom jidwu f’moħħu.

Morley ma nstabitx ħatja ta’ qtil minħabba li kienet fi stat ta’ ġenn u ttieħdet ġewwa Sptar għall-persuni bi problem ta’ saħħa mentali. 

Huwa mifhum li jistgħu jgħidulha toħroġ minn hemm wara ħames snin biss jekk it-tobba jikkonfermaw li tinsab mentalment tajba.

Il-missier qal li jħoss li dan kollu bħal donnu seħħ sitt xhur ilu u mhux sentejn u li għalih iż-żmien qisu waqaf.

Huwa qal li spiss iżur il-qabar ta’ wliedu minkejja li jsibha diffiċli ħafna.

Sport