Minn meta ġiet stabbilita l-helpline tad-dimensja ċemplu 6,107 persuni. Il-maġġoranza tat-telefonati jistaqsu dwar sintomi tal-kundizzjoni u informazzjoni dwar servizzi relatati mad-dimensja.
Din l-informazzjoni ingħatat mill-Ministru għas-Saħħa u l-Anzjanità Attiva Jo Etienne Abela meta kien qed iweġeb mistoqsija parlamentari li saritlu mid-Deputata Nazzjonalista Paula Mifsud Bonnici.
