Raġel ta’ 42 sena residenti x-Xagħra, Għawdex ingħata l-ħelsien mill-arrest wara li ġie mixli b’kompliċità fil-ħruq ta’ vettura.
Il-każ seħħ nhar l-1 ta’ Settembru li għadda, għall-ħabta tas-2.30 p.m fi Triq ir-Rabat, ix-Xewkija, Għawdex.
Quddiem il-Maġistrat Simone Grech, l-imputat kien mixli wkoll li wettaq ħsara fi proprjetà ta’ ħaddieħor u li sar reċediv b’diversi sentenzi mill-Qorti.
Huwa wieġeb mhux ħati tal-akkużi miġjuba fil-konfront tiegħu u ngħata l-libertà proviżorja taħt diversi kundizzjonijiet.
Il-Prosekuzzjoni tmexxiet mill-Ispettur Bernard Charles Spiteri.
