Waqt diskussjoni li kienet għaddejja fi tmiem il-ġimgħa li għaddiet fi stazzjon televiżiv Ingliż, l-eks plejers ta’ Liverpool Paul Robinson u Robbie Fowler jemmnu li Mohamed Salah jinsab fl-aħħar żmien tiegħu f’Anfield Road hekk kif se jkun qed jingħaqad ma’ Al Hilal fl-Arabja Sawdija.

Fowler qal li din hi biss kwistjoni mhux ta’ kif jew fejn iżda meta se jingħaqad magħhom.

Sadanittant, Robinson jemmen li Kylian Mbappe se jkun dak il-plejer li se joħodlu postu anke għax jaf li ma’ Paris St Germain xejn m’hu qiegħed għal qalbu.

Dan kollu jista’ jseħħ fis-sajf li ġej meta ż-żewġ attakkanti rispettivi jibdew avventura ġdida f’kampjonat ġdid.