Mohamed Salah irid jirċievi mill-inqas £300,000 fil-ġimgħa jekk irid jiffirma kuntratt ġdid ma’ Liverpool.
Il-player ta’ 29 sena skorja l-101 gowl tiegħu fil-Premier League għall-club minn Merseyside nhar il-Ħadd, u għen lit-team tiegħu jikseb draw ta’ 2-2 kontra r-rivali tat-titlu, Manchester City.
Madankollu, minkejja l-istatus tiegħu f’Anfield, l-internazzjonali Eġizzjan fadallu inqas minn sentejn fil-kuntratt tiegħu, u poġġieh f’pożizzjoni fejn clubs oħra jkunu jistgħu jesprimu interess fih.
Salah qed jitlob bejn £300,000 u £380,000 fil-ġimgħa biex jestendi l-esperjenza tiegħu ma’ Liverpool.
In-negozjati huma mistennija li jkomplu matul il-ġimgħat u x-xhur li ġejjin, bl-għan li jinstab kompromess qabel tmiem l-2021.
