L-attakkant internazzjonali Eġizzjan, Mohamed Salah, ikkonferma li fl-istaġun li ġej se jibqa’ ma’ Liverpool minkejja rapporti qed isostnu li matul is-sajf li ġej jista’ jitlaq mill-club.
Il-kuntratt ta’ Salah jintemm f’Ġunju 2023 u għaldaqstant jekk huwa ma jilħaqx ftehim mal-club għal kuntratt ġdid huwa jkun player liberu u jkun jista’ jinnegozja l-kuntratt stess.
Peró, ir-Reds mistennija li jkomplu t-taħditiet biex finalment jintlaħaq ftehim biex Salah itemm il-karriera tiegħu f’Anfield.
