Mowbajl għadu kemm salva ħajjet suldat Ukren li kien jinsab f’taqtigħa kontra l-forzi Russi.
Filmat li nxtered fuq il-midja soċjali, juri lill-istess suldat joħroġ il-mowbajl mill-but tal-qalziet waqt li kienu qed jilqgħu għall-attakki tar-Russi, u jgħaddih lil sieħbu. Fil-filmat dehret bullet imdeffsa ġol-cover tal-mowbajl.
Għalkemm għadu mhux magħruf x’tip ta’ mowbajl kien qed iġorr miegħu dan is-suldat, għadd ta’ persuni huma tal-fehma li l-mowbajl kien mudell tad-ditta Samsung.
Filwaqt li kien hemm min m’emminx dan il-miraklu, kien hemm oħrajn li ssimpatizzaw ma’ dan is-suldat, fosthom persuna li qasmet storja familjari dwar munita illi kienet salvat ħajjet bużnannuha.
