Aħbar tajba għal Bayern Munich li se jkollhom lill-goalkeeper Manuel Neuer u Leon Goretzka fl-iskwadra wara li kien maħsub li seta’ kellhom il-Covid-19.
Iż-żewġ plejers kienu qed jagħmlu s-sessjoni ta’ taħriġ mat-team nazzjonali Ġermaniż u ħassewhom ma jifilħux filwaqt li kellhom sintomu tal- Covid-19.
Madankollu wara li għamlu l-iswab test irriżulta li l-ebda minnhom ma nstab pożittiv u għalhekk jistgħu jkunu għad-dispożizzjoni tal-coach Julian Nagelsmann fi tmiem din il-ġimgħa meta huma jilagħbu kontra Bayer Leverkusen il-Ġimgħa filgħaxija.
