Newcastle United iddeċidew li ma jibqgħux isegwu lil Dele Alli.
Il-Magpies ġew marbuta ma’ varjetà ta’ players fis-suq tat-trasferimenti ta’ Jannar hekk kif il-klabb qed jipprepara biex isaħħaħ l-iskwadra tiegħu fi sforz biex jgħinhom isalvaw.
Bħalissa, it-team immexxi minn Eddie Howe jinsab fid-19-il post fil-Premier League, wara li rebaħ partita waħda biss f’dan l-istaġun.
Plejer li Newcastle mhux se jkunu qed jippruvaw jixtru x-xahar id-dieħel huwa Alli, minkejja l-fatt li qabel kienu interessati li jiffirmawh.
Filwaqt li hu maħsub li Tottenham Hotspur għadhom miftuħin li jħalluh jitlaq b’self, il-manager il-ġdid tal-Magpies, Eddie Howe, mhux interessat li jakkwista lill-midfielder.