Newcastle United qed jippreparaw offerta għall-midfielder ta’ Roma, Jordan Veretout.
Il-Magpies qed ifittxu li jsaħħu l-iskwadra matul is-suq tat-trasferimenti ta’ Jannar hekk kif ikomplu jiġġieldu għas-sopravivenza fil-Premier League.
Newcastle United bħalissa jinsabu fid-19-il post fil-klassifika, wara li rebħu logħba waħda biss dan l-istaġun, iżda jinsabu biss żewġ punti ‘l bogħod mis-sigurtà.
Newcastle issa qed jippreparaw biex jagħmlu offerta lil Roma biex jiffirmaw lil Veretout, li qed jilgħab it-tielet staġun tiegħu mal-club tas-Serie A.
Veretout għandu esperjenza fil-Premier League wara li lagħab ma’ Aston Villa matul l-siatġun 2015-16, fejn għamel 25 dehra fil-Premier League.
Il-midfielder kien regolari taħt Jose Mourinho dan l-istaġun, wara li deher 18-il darba fis-Serie A, u tilef logħba waħda biss minħabba sospensjoni.
