L-istilla Brażiljana Neymar kien qed jitkellem ma’ ġurnal influwenti tal-pajjiż fejn tkellem dwar iż-żmien li qatta’ ma’ Paris St Germain flimkien ma’ Lionel Messi.
Neymar, li issa ngħaqad ma’ Al Hilal fl-Arabja Sawdija, qal li kemm hu kif ukoll Messi għexu l-infern fil-veru sens tal-kelma ma’ PSG. Hu qal li d-diriġenti tal-klabb kienu jħarsu lejhom qishom numru u li bil-flus li nefqu fuqhom iktar kienu jqisuhom mil-lat produttiv milli mil-lat uman.
Neymar qal li jrid jibda ħajja ġdida fl-Arabja Sawdija filwaqt li awgura lil Messi li issa jinsab ma’ Inter Miami fl-Istati Uniti.
