Meta kien intervistat minn gazzetta sportiva Taljana, il-midfielder offensiv Nicolo Zaniolo qal li jixtieq jerġa’ jifforma parti mit-team nazzjonali Taljan għal-logħbiet tal-UEFA Nations League.
Zaniolo, li bħalissa qed jilgħab ma’ Galatasaray fit-Turkija, qal li minħabba uġigħ f’siequ li żammu barra mil-logħob għal dawn l-aħħar tliet xhur, kien diffiċli ħafna li jiġi msejjaħ mill-kowċ Roberto Mancini.
Minkejja kollox, l-eks plejer ta’ Roma qal li se jibda jitħarreġ bis-sħiħ sabiex ikun lest għal meta Mancini jkun irid isejjaħlu.
