Genoa qed ifittxu attakkant prolifiku wara li b’sorpriża Mateo Retegui telaqhom u ngħaqad ma’ Atalanta. Hemm ukoll il-probabbilta’ li anke l-Iżlandiż Albert Gudmundsson jista’ jitlaq u għalhekk ifittex klabb ieħor bi Fiorentina li għadhom favoriti għalih.
Bħalissa d-diriġenti Genoani qed iħarsu lejn il-possibbilta’ li jakkwistaw lil Nikola Krstovic mill-Montenegro li hu reġistrat ma’ Lecce. Hu għandu 24 sena u ma’ Lecce lagħab 35 partita u skorja seba’ gowls.
