Il-Ħaddiema tal-Protezzjoni Ċivili bħalissa għaddejjin b’operazzjoni biex jikkontrollaw nirien li ħakmu diveri għelieqi taħt iż-Żebbuġ Għawdex.
Konsegwenza ta’ dawn in-nirien ammont ta’ tyres ħadu n-nar ukoll.
X’ħin kollna fuq il-post stajna nisimgħu diversi bombi ta’ murtali jinħarqu man-nirien li kien hemm. Parti mill-post fejn hemm in-nirien hu l-istess post minn fejn jinħaraq in-nar fil-festa ta’ Santa Marija taż-Żebbuġ.
Fuq il-post bħalissa hemm diversi uffiċjali tal-Protezzjoni Ċivili li mill-ewwel ħadu kontroll tas-sitwazzjoni.
