Il-Kummissarju għad-Drittijiet tal-Persuni b’Diżabilità Oliver Scicluna huwa mistenni li jiġi co-opted bħala Deputat Laburista wara r-riżenja ta’ Gavin Gulia aktar kmieni llum.
Scicluna, ta’ 34 sena, ġie maħtur bħala l-ewwel Kummissarju għad-Drittijiet tal-Persuni b’Diżabilità f’Ġunju 2016.
Gulia rriżenja minn deputat wara 24 siegħa mindu reġa’ ġie elett bħala Membru Parlamentari f’elezzjoni każwali li żvolġiet ilbieraħ biex jimtela l-post battal li tħalla mill-Ministru edward Scicluna.
Fost il-kandidati li wkoll qed jissemmew biex jieħdu post Gulia hemm is-Sindku ta’ Ħaż-Żebbuġ it-Tabib Malcolm Paul Galea.
Fl-eventwalità li jiġi co-opted, din se tkun l-ewwel esperjenza ta’ Scicluna fix-xena politika Maltija wara snin jaħdem fis-settur tad-diżabilità.
Fl-2014 inħatar bħala ċ-ċermen tal-Kummissjoni Nazzjonali Persuni b’Diżabilità. Huwa wkoll id-deputy chairperson tal-FITA.
Wara t-twaqqif tas-CRPD bħala l-korp regolatorju nazzjonali għad-diżabilità, is-Sur Oliver Scicluna ġie maħtur bħala l-ewwel Kummissarju għad-Drittijiet tal-Persuni b’Diżabilità f’Ġunju 2016.
