Tifel ta’ 15 -il xahar miet fgat fuq is-sodda tiegħu wara li ommu allegatament ikkunsmat tip ta’ ħelu tat-THC, li kien fihom xi tip ta’ droga u allegatament ħalliet lil binha waħdu għal mill-inqas sitt sigħat.
Amirah Moodie, ta’ 25 sena tressqet il-Qorti akkużata b’negliġenza li wasslet għall-mewt ta’ binha Isais Pascual-Hernandez ta’ 15-il xahar fl-14 ta’ Novembru tas-sena l-oħra.
Midja internazzjonali rrapurtat li meta l-Pulizija tkellmu mal-omm, din qaltilhom li ħadet dan it-tip ta’ ħelu biex tipprova tinsa għax kienet għaddejja minn xi stress minħabba s-sitwazzjoni finanzjarja tal-familja tagħha.
Ġie spjegat li meta l-Pulizija marret d-dar tal-akkużata, dawn sabu l-lożor imgeżwrin madwar ras iċ-ċkejken Isais. Jirriżulta wkoll li għonq it-tifel kellhom xi marki, xufftejh kienu blu u li ġie ddikjarat mejjet fuq il-post.