Paris Saint-Germain huma lesti li jċedu lil Neymar jekk dan jgħinhom jorbtu lil Kylian Mbappe b’kuntratt ġdid.
Mbappe għad irid jiffirma estensjoni fil-kuntratt eżistenti tiegħu lil hinn mit-tmiem tal-istaġun u għadu marbut b’mod qawwi ma’ ċaqliq ma’ Real Madrid bi free transfer.
Madankollu, dan l-aħħar kien hemm suġġerimenti li l-Franċiż għadu jista’ jkun miftuħ biex itawwal l-esperjenza tiegħu fil-kapitali Franċiża, peress li għadu mhux deċiż dwar il-mixja li jmiss fil-karriera tiegħu.
Huwa mifhum li PSG ħarġu bi tliet soluzzjonijiet potenzjali biex iżommu lil Mbappe fuq il-kotba tagħhom – b’waħda minnhom tkun dik li jċedu lil Neymar, waqt li jidher li l-għoti tal-faxxa tal-captain lil Mbappe hija għażla oħra.
Neymar irreġistra 11-il goal u sitt assists f’24 partita għat-team immexxi minn Mauricio Pochettino matul dan l-istaġun, iżda se jitlef il-partita mil-Ligue 1 tal-lum l-Erbgħa kontra Angers minħabba sospensjoni.
