Minkejja li Paris St Germain ilhom isemmu li l-kowċ li jmiss se jkun Julian Nagelsmann, jidher li ma kienx hemm żblokk fis-sitwazzjoni u kollox baqa’ staġnat.
It-tim mill-belt kapitali Franċiża ma jistax jistenna aktar u għalhekk qed jaħseb sabiex jikkuntattja lil Luis Enrique, eks-kowċ tat-tim nazzjonali Spanjol. Dan tal-aħħar qed jiġi segwit ukoll minn Napoli u West Ham United.
L-għan ta’ PSG hu li jistabilixxu min se jmexxihom għall-istaġun li ġej u jippruvaw jagħmlu kollox bl-ordni f’sitwazzjoni ferm konfuża li għaddejjin minnhom bħalissa.
