Wara t-telfa kontra r-rivali Feyenoord fil-Kampjonat Olandiż, il-partitarji ta’ Ajax Amsterdam jinsabu ferm irrabbjati għal dak li seħħ aktar u aktar għax it-tim favorit tagħhom waqa’ sitt punti taħt l-istess avversarji tagħhom fil-klassifika.
Id-direttur eżekuttiv tal-club, Edwin Van Der Sar, ġie mdawwar minn sitt irġiel fejn bdew jhedduh li jtuh xebgħa. Jidher li huma kienu ferm irrabbjati hekk kif qed jitqies bħala wieħed mir-responsabbli li t-tim se jkun qed jikkonċedi l-kampjonat lil Feyenoord.
Kellha tkun il-pulizija li intervjeniet biex jikkontrollaw is-sitwazzjoni fejn kien hemm anke xi arresti.
