Liverpool għamlu pass kbir lejn ir-rebħ tal-Premier League Ingliż meta, f’Anfield, għelbu lir-rivali Everton bl-iskor ta’ 1-0.
Il-partita bdiet b’kontroversja meta fil-11-il minuta, id-difensur ta’ Everton, James Tarkowski, ikkommetta foul professjonali fuq Alexis MacAllister iżda ntwera biss il-karta safra.
Diogo Jota (57) għamel id-differenza meta skorja ġmiel ta’ goal biex ta’ tliet punti mill-aktar importanti lil Liverpool.
Bournemouth v Ipswich – Ipswich marru għand Bournemouth u ħarġu rebbieħa bl-iskor ta’ 2-1 biex kisbu tliet punti għas-salvazzjoni bil-goals jaslu minn Nathan Broadhead (34) u Liam Delap (60) filwaqt li Evanilson (68) naqqas il-marġni tal-iskor għaċ-Cherries.
Brighton v Aston Villa– Barra minn darhom, Aston Villa għelbu lil Brighton bl-iskor ta’ 3-0, bl-iskorers ikuxnu Marcus Rashford (51), Marco Asensio (78) u Donyell Malen (93).
Man City v Leicester – Manchester City għelbu lil Leicester City bl-iskor ta’ 2-0 biex saħħew ir-raba’ post tal-klassifika. Iż-żewġ goals waslu minn Jack Grealish (2) u Omar Marmoush (29).
Newcastle v Brentford – Newcastle għelbu lil Brentford bl-iskor ta’ 2-1 permezz ta’ Alexander Isak (45) u Sandro Tonali (74) filwaqt li Bryan Mbeumo (64 pen) kiseb id-draw momentarju għal Brentford.
Southampton v C. Palace– Matheus Franca (92) salva r-riżultat għal Crystal Palace fi draw ta’ 1-1 kontra Southampton wara li fetħu l-iskor minn Paul Onuachu (15).
