Raġel weġġa’ gravi wara li għall-ħabta tas-2:00 a.m kien involut f’inċident tat-traffiku fi Triq is-Santwarju f’Ħaż-Żabbar.
Minn stħarriġ illi sar irriżuta li żagħżugħ ta’ 24 sena għal xi raġuni tilef il-kontroll tal-karozza tat-tip Toyota Corolla li kien qiegħed isuq u ħabat f’mutur li kien ipparkjat. Miegħu fil-karozza kien hemm raġel Żejtuni ta’ 35 sena.
Filwaqt li s-sewwieq ma sofra l-ebda ġrieħi, tim mediku assista lill-passiġġier u permezz t’ambulanza li ssejħet fuq il-post, huwa seta’ jittieħed l-isptar.
Il-Pulizija għaddejja bl-investigazzjonijiet fuq il-każ.
