Passiġġiera abbord titjira tal-EasyJet li kellha titlaq mill-ajruport ta’ Heathrow f’Londra għal Glasgow spiċċat eskortata ‘l barra mill-ajruplan wara li rrifjutat li tilbes il-maskra. L-ilbies ta’ maskra fuq ajruplan hija obligazzjoni li daħħlet fis-seħħ mil-linji tal-ajru minħabba l-imxija COVID-19 appena reġgħu nfetħu l-ajruport madwar id-dinja.
Skont passiġġieri li kienu fuq it-titjira, xhedu li mara partikolari, irrifjutat li tilbes il-maskra u meta kienet avviċinata mill-ħaddiema tal-ekwipaġġ biex tilbisha din irrifjutat. Aktar minn hekk, l-għarus tagħha sar aggressiv u beda jgħajjat mal-membri tal-ekwipaġġ, b’konsegwenza li huwa wkoll safa eskortat minn fuq it-titjira u mwiddeb mill-forzi tal-ordni.
