Paul Pogba għadu miftuħ biex jiffirma kuntratt ġdid ma’ Manchester United fost suġġerimenti li l-midfielder diġà ddeċieda li jħalli Old Trafford fis-sajf li ġej.
Il-ftehim attwali tal-internazzjonali Franċiż mar-Red Devils għandu jiskadi f’Ġunju 2022, u numru ta’ clubs, fosthom Real Madrid, Juventus u Paris Saint-Germain, qed iħejju biex jikkompetu għall-firma tiegħu bi free transfer fi tmiem l-istaġun kurrenti.
Diversi rapporti sostnew li l-player ta’ 28 sena qed jirrifjuta li jiffirma estensjoni mal-club immexxi minn Ole Gunnar Solskjaer, wara li diġà ddeċieda li jfittex club ġdid.
Madankollu, ir-rebbieħ tat-Tazza tad-Dinja tal-2018 jibqa’ miftuħ biex jiddiskuti kuntratt ġdid mar-Red Devils.
Man United irrifjutaw it-talba ta’ kuntratt ta’ Pogba fis-sajf tal-2019, meta l-midfielder għamilha ċara lill-club li kien ħerqan li jiffirma ftehim ġdid.
Il-Franċiż ‘qatt ma ried isir free agent’ u jinsab imħasseb dwar kif qed jiġi deskritt fost l-ispekulazzjonijiet dwar il-futur tiegħu.
Pogba se jitlef id-derby ta’ Manchester tas-Sibt kontra Manchester City minħabba sospensjoni, wara li tkeċċa fit-telfa ta’ 5-0 kontra Liverpool lejn l-aħħar ta’ Ottubru.
