Persuna mietet fi ġlied vjolenti waqt logħba futbol barra Buenos Aires bejn Boca Juniors u Gimnasia y Esgrima, liema ġlied kompla fil-grawnd.
Il-pulizija sparaw balal tal-gomma u gass tad-dmugħ barra l-istadium Carmelo Zerillo f’La Plata, madwar 50 kilometru fin-nofsinhar tal-kapitali tal-Arġentina hekk kif ippruvaw iwaqqfu lill-partitarji milli jimbuttaw fil-post li diġà kien iffullat.
L-inkwiet kompla ġewwa, fejn spettaturi ixxukkjati dehru jaqbżu fuq ċnut biex jaħarbu mill-vjolenza u jidħlu fl-għelieqi biswit il-grawnd.
