Kevin De Bruyne se jkun qed ifittex li jikser rekord ta’ assists fil-Premier League, meta s-Sibt wara nofsinhar Manchester City jilqgħu lil Southampton fl-Etihad Stadium.
Il-plejer ta’ 31 sena mistenni jirritorna fil-formazzjoni inizjali ta’ Pep Guardiola wara li segwa minn fuq il-bank tas-sostituti r-rebħa ta’ City 5-0 fiċ-Champions League f’darhom kontra Copenhagen nhar l-Erbgħa.
Il-Premier League Player tas-Sena tal-istaġun li għadda gawda minn bidu impressjonanti għall-istaġun il-ġdid, fejn ipprovda 10 assists fi 11-il logħba fil-kompetizzjonijiet kollha.
