Persuna tilfet ħajjitha wara li waqgħet għoli ta’ madwar sular waqt li kienet qed twettaq xogħol fuq scaffolding f’Ħal Far.
Fuq il-post tal-inċident marru membri tal-Korp tal-Pulizija kif ukoll uffiċjali tad-Dipartiment tal-Protezzjoni Ċivili sabiex jagħtu l-assistenza meħtieġa.
S’issa għadha ma ġietx stabbilita l-identità tal-vittma.
Dwar dan il-każ infetħet inkjesta Maġisterjali, filwaqt li l-Pulizija u l-Awtorità għas-Saħħa u s-Sigurtà fuq il-Post tax-Xogħol (OHSA) qed ikomplu bl-investigazzjonijiet tagħhom biex jiċċaraw iċ-ċirkostanzi li wasslu għal dan l-inċident.
Aktar informazzjoni mistennija toħroġ fil-ħin li ġej.