Il-midfielder internazzjonali Ingliż, Phil Foden, iffirma kuntratt ġdid ma’ Manchester City sal-2027 hekk kif dak eżistenti kellu jintemm fl-2024.
Foden skorja 52 goal f’182 logħba minn meta ddebutta f’Novembru 2017 wara li ħareġ bħala wieħed mill-aqwa prodotti tal-akkademja tas-City.
“Huwa diffiċli li npoġġi fi kliem kemm jien kuntent li ffirmajt dan il-kuntratt,” qal il-player ta’ 22 sena.
“Din hija ħolma li saret realtà. Jien kont partitarju tas-City kollha ħajti. Ilni ħafna snin nitħarreġ hawn u anke kont ballboy.
“Għandi mħabba kbira lejn dan il-klabb, għalhekk li nkun naf li se nkun parti minnu sal-2027 inħossni ferm sodisfatt.”
