Veintidos rebħu d-Ducane Cup organizzata mill-Malta Polo Club meta fil-Malta Equidrome rebħu lil Los Muchachos sitt punti u nofs għal ħamsa.
Kienu erba’ chukkas ta’ livell għoli milgħuba bejn l-aqwa plejers tal-polo fil-mument. Wara li sabu ruħhom 2-0 minn taħt, Veintidos wettqu reazzjoni u ġabu l-iskor indaqs u minn hemm ‘l hemm il-logħba baqgħet bilanċjata sal-aħħar għalkemm kienu Veintidos li ħarġu rebbieħa.
Los Muchachos kienu magħmula minn Jeremy Besancon, Greg Gera, Matthew Grech u Jean Vella filwaqt li Karl Galea, Sarah Manduca, Bradlee Farrugia u Matthew Borg kienu l-plejers ta’ Veintidos.
