Fil-Premier League Ingliż, Liverpool u Manchester City spiċċaw fi draw ta’ 1-1 liema riżultat ikkuntenta l-aktar lil Arsenal li jinsabu fil-quċċata tal-klassifika, b’punti daqs Liverpool iżda b’differenza ta’ goals aħjar.
Kienet partita li laħqet l-aspetattivi mixtieqa u filwaqt li Manchester City niżlu bl-aqwa elementi, Liverpool kellhom xejn inqas minn seba’ players regolari nieqsa.
Kienu s-Citizens li fetħu l-iskor permezz ta’ John Stones (23) minn azzjoni ta’ free-kick. Peró, fil-50 minuta Liverpool kisbu d-draw minn penalty mogħti minn Alexis MacAllister.
Fit-tieni taqsima Liverpool kienu l-aħjar team u fallew bosta ċansijiet ta’ skor iżda erba’ minuti mit-tmiem, Jeremy Doku, laqat il-lasta għas-City.
Iżda fl-aħħar minuta, Liverpool appellaw għal penalty meta Doku kkommetta foul ikrah fuq MacAllister meta laqatlu sidru bil-qiegħ taż-żarbun fil-kaxxa … iżda b’mod sorpriż kien kollox normali għat-terna arbitrali u għall-VAR!
Aston Villa v Tottenham – Tottenham Hotspur għamlu pass kbir biex itemmu fir-raba’ post meta għelbu lil Aston Villa bl-iskor ta’ 4-0.
Il-goals ta’ Spurs waslu minn James Maddison (50), Brennan Johnson (53), Son Heung-Min (91) u Timo Werner (94). Fil-65 minuta, il-Villans kellhom lil John McGinn imkeċċi.
Brighton v Nottm F. – Brighton ospitaw lil Nottingham Forest u rebħulhom bl-iskor ta’ 1-0 bl-uniku goal tal-partita jasal minn auto-goal ta’ Andrew Omobamidele (29).
West Ham v Burnley – West Ham irkupraw żewġ goals biex f’darhom temmew fi draw ta’ 2-2 kontra Burnley.
David Datro Fofana (11) u auto-goal ta’ Konstantinos Mavropanos (45) dehru li se jagħu rebħa lil Burnley iżda Lucas Paqueta (46) u Danny Ings (91) salvaw ir-riżultat għall-Hammers.
