L-eks mexxej tas-Somalja Hassan Sheikh Mohamud ġie elett President permezz ta’ vot li kien miftuħ biss għall-Membri Parlamentari tal-pajjiż.
Huwa kiseb maġġoranza fuq il-president attwali, Mohamed Abudallahi Farmajo, li ilu fil-kariga mill-2017.
Minħabba tħassib dwar is-sigurtà f’każ li kellha ssir elezzjoni aktar wiesgħa, il-votazzjoni kienet limitata għat-328 Membru Parlamentari tas-Somalja. Wieħed minnhom għażel li ma jitfax il-vot tiegħu.
Mohamud kiseb 214-il vot, filwaqt li Farmajo kiseb 110 voti.
Qiegħed ikun rappurtat li minbarra dak li għażel li ma jitfax il-vot, kien hemm tlieta oħra li ħassru l-vot tagħhom.
Fost responsabbiltajiet oħra, fl-erba’ snin li ġejjin Mohamud mistenni jindirizza l-impatt tan-nixfa. F’dan ir-rigward, n-Nazzjonijiet Uniti qed ibassru li 3.5 miljun Somali huma f’riskju ta’ ġuħ qawwi.
