Project Green ġabret xejn inqas minn 30 tunnellata ta’ skart goffminn erba’ siti differenti li qabel kienu allokati għal żvilupp u issa se jinbidlu fi spazji miftuħa għal kulħadd. Fost affarijiet oħra, il-materjal li nġabar ivarja minn skart ta’
kostruzzjoni għal skart talplastik u biċċiet tal-għamara.
Ħafna minn dan il-materjal setgħu faċilment ittieħdu f’ċentri għall-iskart goff jew
mormija permezz tas-servizzi offruti mill-Kunsilli Lokali,
minflok intremgħu illegalment.
Il-Ministru għall-Ambjent, l-Enerġija u r-Riġenerazzjoni tal-Port il-Kbir, Miriam Dalli, żaret lill-ħaddiema ta’ Project Green li bħalissa qegħdin ilestu dawn is-siti
f’Ħal Lija, Ħal Luqa, Ta’ Ġiorni f’San Ġiljan u Ħal Kirkop, bi preparazzjoni għat-trasformazzjoni ta’ dawn is-siti fi spazji pubbliċi.
B’kollox, Project Green se tirriġenera 8,000 metru kwadru ta’ art f’żoni residenzjali li qabel kienu immarkati għall-iżvilupp. Min-naħa tagħha l-Ministru Dalli spjegat li, “dawn is-siti se jkunu qegħdin joffru spazju mħaddar ġdid ftit passi mid-djar ta’ madwar 7,000 familja. Fuq art fejn ilpjan lokali jippermetti li jinbnew madwar 30 blokka ta’ appartamenti, se nkunu qegħdin niżviluppaw spazji siguri għan-nies u nħaddruhom b’siġar u pjanti oħra indiġeni. Inħares ’il quddiem biex ix-xogħol ikompli miexi kemm fuq dawn is-siti kif ukoll fuq l-ispazji l-oħra li Project Green qiegħda taħdem fuqhom,” qalet il-Ministru Miriam Dalli.
Waqt iż-żjara hija rringrazzjat lill-ħaddiema għaxxogħol li qegħdin jagħmlu
biex fl-iqsar żmien possibbli Project Green tellqet il-proċess fuq dawn l-erba’ spazji.
Il-Perit Beverly Costa, Chief Operations Officer talAġenzija, spjegat kif l-aġenzija qiegħda taħdem fuq id-disinji tas-siti ħalli jiġu ppreżentati lill-Awtorità talIppjanar. Id-disinji tas-siti se jkunu wkoll ippreżentati lillKunsilli Lokali rispettivi
għal aktar konsultazzjoni.
“L-involviment tal-Kusilli Lokali u li nifhmu l-ħtiġijiet tal-pubbliku huma ta’
importanza kbira fl-isforzi tagħna. Aħna impenjati li nittrasformaw dawn is-siti fi
spazji pubbliċi li jimxu maxxewqat tal-komunità, filwaqt li ntejbu l-kwalità talħajja tagħhom,” temmet Costa.
