Il-pulizija fi Florida baqgħu mbellħin hekk kif waqfu vettura f’highway prinċipali li kienet qed tinsaq b’mod perikoluż. Hekk kif marru fuq is-sewwieq sabu li dan kien tifel ta’ għaxar snin.
It-tifel kien fil-karozza flimkien ma’ oħtu ta’ 11-il sena u ġew imwaqqfin f’Alachua mijiet ta’ mili ‘l bogħod minn fejn kienu rraportati neqsin minn ommhom aktar kmieni din il-ġimgħa.
Il-pulizija qalu li t-tfal ħarbu mid-dar t’ommhom wara li kienet ħaditilhom it-tablets li kienu qegħdin jilgħabu bihom wara li ħasset li kienu qegħdin jagħmlu wisq ħin fuqhom.
Huma kienu saqu aktar minn 320 kilometru ‘l bogħod mid-dar u x’ħin it-tfal tkellmu mal-pulizija qalu li ma kellhomx għażla oħra ħlied li jitilqu mid-dar wara li ommhom ħaditilhom it-tablet.
Wara li l-omm ġiet informata li t-tfal kienu nstabu kellha ssuq aktar minn 3 sigħat biex ġabrithom.
Kelliem għall-pulizija qalu li kienu tkellmu fit-tul mal-omm u l-iskop tagħha kien li wliedha ma jagħmlux ħin żejjed fuq tablets. .
